بھیڑچال! جرمنی میں درجنوں بھیڑیں سپر سٹور میں داخل، افراتفری مچ گئی

برگزن، جرمنی: جرمنی کے علاقے لوئر فرانکونیا کے قصبے برگزن میں تقریباً 50 بھیڑیں اپنے چرواہے سے بھاگ کر قریبی گروسری سٹور میں داخل ہو گئیں، جس سے سٹور میں افراتفری پیدا ہوگئی۔

مقامی پولیس کے مطابق چرواہا ڈیٹر مشلر بھیڑوں کو سن دریا کی جانب لے جا رہا تھا، لیکن پارکنگ ایریا میں پڑی بلوط کی گریوں کی وجہ سے بھیڑیں سٹور میں داخل ہو گئیں۔ سٹور میں داخل ہونے سے نقصان ہوا اور جگہ جگہ گندگی پھیل گئی۔

ڈیٹر مشلر نے بتایا کہ بھیڑیں بعد میں سٹور سے باہر آ گئیں اور انہیں محفوظ طریقے سے دوبارہ ریوڑ کے ساتھ جوڑ دیا گیا۔ خوش قسمتی سے کسی کو کوئی جانی نقصان نہیں ہوا۔