چائے کے نشے کا نیا علاج: ’چائے کی خوشبو‘ والا پرفیوم لانچ

چائے کے شوقین افراد کے لیے ایک دلچسپ اور منفرد خبر سامنے آ گئی ہے۔ لگژری فیشن اور بیوٹی برانڈ پراڈا نے ’’چائے‘‘ سے متاثر ہو کر نیا پرفیوم لانچ کر دیا ہے۔ پراڈا کی جانب سے متعارف کرایا گیا ’’انفیوژن ڈی سنٹل چائے‘‘ نامی یہ پرفیوم بھارتی چائے کی خوشبو سے متاثر ہے۔

یہ خوشبو پراڈا کے یونیسیکس کلیکشن ’’لیز انفیوژنز‘‘ کا حصہ ہے، جسے محض ایک پرفیوم نہیں بلکہ ایک مکمل تجربے کے طور پر پیش کیا جا رہا ہے۔ کمپنی کے مطابق یہ خوشبو چائے، صندل کی لکڑی، لٹے ایکارڈ، مشک اور کھٹی مہک کا حسین امتزاج ہے، جو دیرپا اور دل کو بھانے والا تاثر چھوڑتی ہے۔