سخت امیگریشن قوانین، برطانوی ویزا درخواستوں میں نمایاں کمی

برطانیہ میں ہنر مند کارکنوں اور صحت و نگہداشت کے شعبے کے کارکنوں کے لیے 2025 میں ویزا درخواستوں میں شدید کمی دیکھی گئی ہے۔

حکومتی پابندیوں کی وجہ سے 2024 کے مقابلے میں صحت اور نگہداشت کے کارکنوں کے ویزوں میں 62 ہزار، ہنر مند کارکنوں کے ویزوں میں 47 ہزار 200، اور فیملی ویزے میں 10 ہزار 700 کی کمی واقع ہوئی ہے۔

نئے قوانین میں خاندانوں اور افراد پر اعلیٰ تنخواہ کے معیار، دیکھ بھال کرنے والے کارکنوں اور طلباء کے لیے سخت پابندیاں، اور مستقل رہائش و خاندان کی بحالی کے لیے سخت معیار شامل کیے گئے ہیں۔

ماہرین کا کہنا ہے کہ اس سال برطانیہ میں خالص ہجرت 2 لاکھ سے کم ہونے کی توقع ہے، جو 2005 کے بعد سب سے کم سطح ہوگی۔ 2023 میں خالص ہجرت کی تعداد 9 لاکھ 44 ہزار تھی۔