گھنے بالوں کا جھانسہ، شوہر گنجا نکلا؛ بیوی نے ایف آئی آر درج کرادی

بھارت میں ایک خاتون نے اپنے شوہر اور چار سسرالی رشتہ داروں کے خلاف دھوکا دہی کا مقدمہ درج کرا دیا ہے۔ خاتون کا مؤقف ہے کہ شادی سے قبل شوہر کا گنج پن جان بوجھ کر چھپایا گیا اور یوں انہیں دھوکے سے رشتۂ ازدواج میں باندھا گیا۔

بسراکھ پولیس اسٹیشن میں درج ایف آئی آر کے مطابق لویکا گپتا اور سنیام جین کی شادی 16 جنوری 2024 کو ہوئی تھی۔ خاتون نے الزام لگایا ہے کہ شادی سے پہلے شوہر اور اس کے اہلِ خانہ نے نہ صرف سنیام جین کی ظاہری حالت (گنج پن) چھپائی بلکہ تعلیم اور معاشی حیثیت سے متعلق بھی اہم معلومات فراہم نہیں کیں۔

خاتون کے مطابق اگر انہیں حقائق کا علم ہوتا تو وہ شادی کا فیصلہ نہ کرتیں۔ پولیس نے مقدمہ درج کر کے تحقیقات شروع کر دی ہیں، جبکہ معاملے کی قانونی حیثیت اور شواہد کا جائزہ لیا جا رہا ہے۔