یورپی یونین نے شام کے لیے 722 ملین ڈالر کی امداد کا اعلان کردیا

یورپی یونین نے شام کو جنگ کے بعد بحالی، دو طرفہ مدد اور انسانی امداد کے لیے 722 ملین ڈالر دینے کا اعلان کیا ہے اور  بات چیت کا بھی مطالبہ کیا ہے۔

یوروپی کمیشن کی صدر ارسولا وان ڈیر لیین نے کہا کہ یورپی یونین اس سال اور اگلے سال شام کے لیے تقریباً 620 ملین یورو ($722m) فراہم کرے گا۔ انہوں نے دمشق کے دورے کے دوران کہا، “بشار الاسد کی حکومت کے تحت برسوں کی تباہی کے بعد، شام کی بحالی اور تعمیر نو کی بہت زیادہ ضرورت ہے، اور میں نے یہ اپنی آنکھوں سے دیکھی۔”

وان ڈیر لیین نے مزید کہا کہ یورپی یونین شام کے ساتھ تعاون کے معاہدے کو بحال کرنے پر بات چیت شروع کرنا چاہتی ہے اور ملک کے ساتھ نئی سیاسی شراکت داری قائم کرے گی، جس میں 2026 کی پہلی ششماہی میں اعلیٰ سطحی مذاکرات بھی شامل ہیں۔

انہوں نے شمالی شام کے شہر حلب میں حالیہ تشدد پر تشویش کا اظہار کیا، جہاں حکومتی فورسز اور کرد جنگجوؤں کے درمیان جھڑپیں بڑھ رہی ہیں، اور کہا کہ “تمام فریقوں کے درمیان بات چیت جاری رکھنے کی فوری ضرورت ہے۔”