پی سی بی کا 2025-26 سیزن کیلئے مینز ڈومیسٹک کرکٹ کنٹریکٹس کا اعلان

لاہور: (ویب ڈیسک) پاکستان کرکٹ بورڈ نے 2025-26 سیزن کے لیے مینز ڈومیسٹک کرکٹ کنٹریکٹس جاری کر دیے ہیں۔

پی سی بی کے مطابق مجموعی طور پر 157 کھلاڑیوں کو کنٹریکٹس دیے گئے ہیں، جن کی مدت اگست 2025 سے جولائی 2026 تک ہوگی۔ اس سال کنٹریکٹس کی تعداد 131 سے بڑھا کر 157 کر دی گئی ہے۔

بورڈ نے بتایا کہ اس بار ڈومیسٹک کنٹریکٹس میں تین کے بجائے چار کیٹیگریز رکھی گئی ہیں — کیٹیگری ون میں 30، کیٹیگری ٹو میں 55، کیٹیگری تھری میں 51 اور کیٹیگری فور میں 21 کھلاڑی شامل ہیں۔

پی سی بی کے مطابق یہ کنٹریکٹس گزشتہ سال کھلاڑیوں کی کارکردگی کی بنیاد پر دیے گئے ہیں۔