وزیراعظم کا پمز ہسپتال آتشزدگی کا نوٹس، واقعہ کی فوری تحقیقات کا حکم

وزیراعظم محمد شہباز شریف نے اسلام آباد کے پمز ہسپتال کی نرسری میں آتشزدگی کے اندوہناک واقعے میں 14 نومولود بچوں کے جاں بحق ہونے پر گہرے دکھ اور دلی افسوس کا اظہار کیا ہے۔ وزیراعظم نے واقعے کا فوری نوٹس لیتے ہوئے اعلیٰ حکام کو شفاف تحقیقات کی ہدایت کی اور کہا کہ بچوں کے ساتھ اس نوعیت کا حادثہ ناقابلِ تلافی نقصان ہے۔ انہوں نے تاکید کی کہ واقعے کے تمام محرکات کا تفصیلی جائزہ لے کر غفلت کے ذمہ داران کا تعین کیا جائے اور ان کے خلاف بلا امتیاز سخت ترین قانونی کارروائی عمل میں لائی جائے۔ وزیراعظم شہباز شریف نے غمزدہ والدین اور متاثرہ خاندانوں سے دلی تعزیت کا اظہار کرتے ہوئے کہا کہ حکومت اس دکھ کی گھڑی میں ان کے ساتھ برابر کی شریک ہے اور دعاگو ہے کہ اللہ تعالیٰ لواحقین کو یہ عظیم صدمہ برداشت کرنے کے لیے صبرِ جمیل عطا فرمائے۔