ٹی 20ورلڈکپ میں زمبابوے کا ایک اور اپ سیٹ، سری لنکا کوبھی ہرادیا

ٹی ٹوئنٹی ورلڈکپ میں زمبابوے نے ایک اور اپ سیٹ کردیا۔ آسٹریلیاکے بعدمیزبان سری لنکا کوبھی شکست کامزاچکھادیا۔ زمبابوے نے  سری لنکا کو آؤٹ کلاس کرتے ہوئے 6 وکٹوں سے زیرکیا۔

کولمبو میں گروپ بی کے میچ میں سری لنکا نے ٹاس جیت کر پہلے بیٹنگ کرنے کا فیصلہ کیا۔اور7 وکٹوں پر 178 رنز بنائے۔پاتھن نسنکا 62 اور راتھ نائکے 44 رنز کے ساتھ نمایاں رہے۔جواب میں زمبابوے نے 179 رنز کا ہدف با آسانی آخری اوور میں 4 وکٹوں کے نقصان پر حاصل کرلیا۔زمبابوے کی جانب سے برائن بیننٹ 63 رنز بناکر ناقابل شکست رہے۔ا س کے علاوہ مارومانی 34، ریان برل 23، کپتان سکندر رضا نے 45رنز بنائے۔

زمبابوے کی ٹیم نے اپنے گروپ میں ناقابل شکست رہتے ہوئے 7 پوائنٹس کے ساتھ ٹاپ کیا۔اس گروپ سے سری لنکا اور زمبابوے پہلے ہی سپر 8 مرحلے کےلیے کوالیفائی کرچکے ہیں۔