پھول بھیجنے کے بجائے فلسطینیوں کی مدد کریں، زین ملک کے اہلِ خانہ کی مداحوں سے اپیل

گلوکار زین ملک کی صحت کے بارے میں تشویشناک خبروں کے بعد دنیا بھر سے مداحوں نے ان کی رہائش گاہ اور دفاتر میں بڑی تعداد میں پھول اور تحائف بھیجنا شروع کر دیے تھے، جس سے انتظامی مسائل پیدا ہو گئے۔ اس صورتحال کو دیکھتے ہوئے زین ملک کی کزن ساشا ملک نے انسٹاگرام پر مداحوں سے درخواست کی ہے کہ وہ مزید گلدستے بھیجنے کے بجائے اس رقم کو فلسطینی عوام کی مدد کے لیے ‘فلسطین پروجیکٹ’ میں عطیہ کریں۔ زین ملک نے حال ہی میں ہسپتال سے اپنی ایک تصویر شیئر کرتے ہوئے مداحوں کو اپنی صحت یابی کے بارے میں آگاہ کیا تھا اور طبی عملے کا شکریہ ادا کیا تھا۔