دنیا کا سب سے لمبا جنگلی سانپ انڈونیشیا میں دریافت

انڈونیشیا کے خطے Maros میں دنیا کا سب سے لمبا جنگلی اژدھا دریافت کیا گیا ہے، جس کی لمبائی 23 فٹ 8 انچ ہے، اور یہ دریافت گنیز ورلڈ ریکارڈز کی جانب سے تصدیق شدہ ہے۔

یہ اژدھا، جسے Ibu Baron کا نام دیا گیا ہے، فی الحال جنگلی حیات کے تحفظ کے لیے کام کرنے والے ادارے کی نگرانی میں ہے۔ اس کی دیکھ بھال Diaz Nugraha اور نیچرل ہسٹری فوٹوگرافر Radu Frentiu کر رہے ہیں، جنہوں نے افواہوں کے بعد اس اژدھے کی تلاش شروع کی تھی۔

عام طور پر ایک بالغ اژدھے کی لمبائی 9 سے 19 فٹ کے درمیان ہوتی ہے، جبکہ یہ اژدھا چھوٹے جانوروں کے ساتھ ساتھ، موقع ملنے پر ہرن اور مگرمچھ جیسے بڑے شکار کو بھی نگل سکتا ہے۔

ماہرین کے مطابق، اژدھے کے جبڑے اتنے بڑے ہوتے ہیں کہ وہ آسانی سے شکار کو نگل لیتے ہیں، اور اگرچہ انسان کا شکار کرنا عام نہیں، لیکن کبھی کبھار ایسے واقعات بھی پیش آ سکتے ہیں۔