دنیا کا سب سے وزنی انسان 41 برس کی عمر میں چل بسا

غیر ملکی میڈیا کے مطابق دنیا کے سب سے وزنی انسان قرار دیے جانے والے جوآن پیڈرو فرانکو گردوں کے شدید انفیکشن کے باعث انتقال کر گئے۔ رپورٹس کے مطابق وہ کچھ عرصے سے شدید انفیکشن میں مبتلا تھے اور اسپتال میں زیرِ علاج تھے، تاہم علاج کے باوجود ان کی حالت مسلسل بگڑتی چلی گئی اور بالآخر وہ جانبر نہ ہو سکے۔

گنیز ورلڈ ریکارڈ کے مطابق جوآن پیڈرو فرانکو کو 2017 میں دنیا کا سب سے وزنی زندہ انسان قرار دیا گیا تھا، اس وقت ان کا وزن 1,322 پاؤنڈ (تقریباً 600 کلوگرام) تھا۔ غیر معمولی وزن کے باعث وہ طویل عرصے تک بستر تک محدود رہے اور روزمرہ زندگی کے معمولات انجام دینا ان کے لیے انتہائی مشکل ہو گیا تھا۔

میڈیا رپورٹس کے مطابق صحت میں بہتری کی امید کے تحت جوآن پیڈرو نے وزن کم کرنے کا فیصلہ کیا، جس کے لیے انہوں نے سرجری کروائی اور سخت ڈائیٹنگ کا آغاز کیا۔ ان کوششوں کے نتیجے میں وہ اپنے وزن میں کچھ حد تک کمی لانے میں کامیاب ہوئے اور بتایا جاتا ہے کہ انہوں نے وزن 600 کلوگرام سے کم کرکے 590 کلوگرام تک کر لیا تھا۔

ان کے انتقال کی خبر پر دنیا بھر میں مداحوں اور فلاحی حلقوں کی جانب سے افسوس کا اظہار کیا جا رہا ہے۔