دنیا کا پہلا رسم الخط ایران میں ایجاد ہوا، جدید تحقیق

سویڈن کی اپسالا یونیورسٹی اور کینیڈا کی سائمن فریزر یونیورسٹی کے ماہرین کی ایک مشترکہ ٹیم نے پانچ سالہ طویل تحقیق کے بعد دعویٰ کیا ہے کہ دنیا کا پہلا باقاعدہ تحریری نظام قدیم ایران میں ایجاد ہوا۔ پروفیسر کیتھیرین کیلی اور پروفیسر لاگان بورن کی زیرِ قیادت کی جانے والی اس تحقیق کے مطابق، “پروٹو عیلامی رسم الخط” (Proto-Elamite) انسانی تاریخ کا قدیم ترین رسم الخط ہے، جو 5200 سال قبل مغربی ایران کی ریاست عیلام میں رائج تھا۔ اس دریافت سے قبل یہ تصور عام تھا کہ تحریر کا آغاز قدیم مصر یا عراق (میسوپوٹیمیا) سے ہوا تھا، تاہم نئی سائنسی شہادتوں نے ثابت کیا ہے کہ قدیم ایرانی باشندوں نے انسانیت کو پہلا باقاعدہ تحریری نظام دے کر تہذیب و تمدن کی ترقی میں کلیدی کردار ادا کیا تھا۔