دنیا کی تیز ترین مکڑی انسان سے بھی زیادہ تیز دوڑ سکتی ہے

مکڑیوں سے خوفزدہ افراد کے لیے ایک تشویشناک سائنسی تحقیق سامنے آئی ہے، جس کے مطابق دنیا کی تیز ترین مکڑی انسانوں کی اوسط رفتار سے بھی زیادہ تیز دوڑنے کی صلاحیت رکھتی ہے۔ سائنسدانوں نے لیبارٹری کے کنٹرول شدہ ماحول میں مکڑیوں کی 258 مختلف اقسام کا تفصیلی جائزہ لیا، جس کے نتائج سے معلوم ہوا کہ آسٹریلیا کی ریاست کوئنزلینڈ میں پائی جانے والی ‘ہنٹس مین’ (Huntsman) مکڑی دنیا کی تیز ترین مکڑی ہے۔ یہ مکڑی 3.6 میٹر فی سیکنڈ (تقریباً 8 میل فی گھنٹہ) کی رفتار سے دوڑ سکتی ہے، جبکہ ایک عام انسان کی اوسط رفتار 4 سے 6 میل فی گھنٹہ ہوتی ہے۔ ماہرین کے مطابق اس سے قبل مراکشی فلک فلاک مکڑی کو تیز ترین مانا جاتا تھا، تاہم وہ دوڑنے کے بجائے قلابازیاں کھا کر رفتار بڑھاتی تھی، اس لیے اسے حقیقی معیار نہیں مانا گیا۔ تحقیق میں یہ انکشاف بھی ہوا کہ لمبی ٹانگوں اور متناسب پیٹ والی بڑی مکڑیاں زیادہ تیز دوڑتی ہیں، اور یہ نتائج مکڑیوں کی جسمانی ساخت اور ارتقاء کو سمجھنے میں مددگار ثابت ہوں گے۔