آسام دنیا کا ٹی کیپیٹل قرار، چین سب سے بڑا چائے پیدا کرنے والا ملک

عالمی رپورٹس کے مطابق چائے کی پیداوار میں بھارت اور چین کا دنیا بھر میں کلیدی مقام ہے۔ بھارت کی ریاست آسام کو اس کی وسیع پیداوار اور برہم پترا وادی میں پھیلے باغات کی وجہ سے دنیا کا “ٹی کیپیٹل” (چائے کا دارالحکومت) قرار دیا جاتا ہے۔ یہاں کی چائے اپنے مضبوط ذائقے اور گہرے رنگ کی وجہ سے عالمی سطح پر مقبول ہے۔ دوسری جانب چین مجموعی طور پر دنیا کا سب سے بڑا چائے پیدا کرنے والا ملک ہے جہاں سبز، کالی اور اوولونگ سمیت چائے کی مختلف اقسام بڑی مقدار میں کاشت کی جاتی ہیں۔ ماہرین کا کہنا ہے کہ چائے نہ صرف عالمی معیشت کے لیے اہم ہے بلکہ یہ دنیا میں پانی کے بعد سب سے زیادہ پیا جانے والا مشروب بھی ہے۔