دنیا کے مہنگے ترین آم، قیمت سیکڑوں ہزاروں میں نہیں بلکہ لاکھوں روپے میں

جہاں عام طور پر مارکیٹ میں آم چند سو روپے فی کلو دستیاب ہوتے ہیں، وہیں جاپانی نسل کے نایاب ‘میازاکی’ آم اپنی غیر معمولی اور حیران کن قیمت کے باعث ایک بار پھر عالمی خبروں کی زینت بن گئے ہیں۔ بھارت کے کاشتکار سندیپ چوہدری نے اپنی فصل میں تیار کردہ میازاکی آم 2,11,000 بھارتی روپے فی کلو (تقریباً 6,12,000 پاکستانی روپے) میں فروخت کیے ہیں۔ حیرت انگیز طور پر ایک کلو میں صرف 4 عدد آم شامل تھے، جو سورت کے معروف تاجر پروین گپتا نے خریدے۔ اپنی دلکش سرخی مائل رنگت، منفرد ذائقے اور اعلیٰ غذائیت کے باعث دنیا بھر میں مشہور اس آم کو “سورج کا انڈہ” (Egg of the Sun) بھی کہا جاتا ہے۔