ورلڈ جونیئر سکوائش چیمپئن شپ: نعمان خان کی کامیابی، پری کوارٹر فائنل میں جگہ بنا لی

کینیڈا میں جاری ورلڈ جونیئر سکوائش چیمپئن شپ کے راؤنڈ آف 32 میچ میں پاکستان کے ابھرتے ہوئے کھلاڑی نعمان خان نے شاندار کارکردگی کا مظاہرہ کرتے ہوئے پری کوارٹر فائنل کے لیے کوالیفائی کر لیا ہے۔ سنسنی خیز مقابلے کے بعد نعمان خان نے انگلینڈ کے گیبریل چک کو 1-3 سے شکست دی، ان کی جیت کا سکور 11-9، 9-11، 11-6 اور 13-11 رہا۔ دوسری جانب پاکستان کے محمد عمیر عارف کو تیسرے راؤنڈ میں فرانس کے عامر خالد کے ہاتھوں 0-3 سے ناکامی کا سامنا کرنا پڑا، جس کے بعد وہ ایونٹ کی دوڑ سے باہر ہو گئے ہیں