ویمنز جونیئر ایشیا کپ 2026: پاکستان اور قازقستان کا میچ 1-1 سے برابر

ویمنز جونیئر ایشیا کپ 2026 کے چیلنجر پول کے میچ میں پاکستان اور قازقستان کی خواتین ہاکی ٹیموں کے درمیان مقابلہ ایک، ایک گول سے برابر ہوگیا۔قازقستان نے میچ کے پہلے کوارٹر میں برتری حاصل کی۔ قازقستان کی امان گیلدی ژانسایا نے 15ویں منٹ میں گول کرکے اپنی ٹیم کو 0-1 کی برتری دلائی۔پاکستانی ٹیم نے بھرپور کم بیک کرتے ہوئے چوتھے کوارٹر میں برابر کا گول داغ دیا۔ قومی ٹیم کی کپتان شارقہ سرور نے اہم گول کرکے مقابلہ 1-1 سے برابر کردیا۔میچ کے آخری لمحات میں دونوں ٹیموں نے فیصلہ کن گول کے لیے بھرپور کوشش کی، تاہم کوئی بھی ٹیم کامیاب نہ ہوسکی اور مقررہ وقت کے اختتام پر مقابلہ 1-1 کی برابری پر ختم ہوگیا۔