ویمنز ایشیاء کپ سے قبل فوٹو سیشنز کے دوران کرکٹرز کی ڈانس پرفارمنس

دبئی: ویمنز ایشیاء کپ کا میدان سجنے سے قبل مختلف ایشیائی ٹیموں کی خاتون کرکٹرز نے فوٹو سیشنز کے دوران منفرد اور دلکش پرفارمنس پیش کر کے شائقینِ کرکٹ کی توجہ حاصل کر لی ہے۔

ایشیائی کرکٹ کونسل (ACC) کی جانب سے جاری کردہ ویڈیوز اور تصویروں میں ایونٹ میں شریک کرکٹرز کو مختلف اسٹائلز اور ثقافتی دھنوں پر رقص کرتے ہوئے دیکھا جا سکتا ہے۔ فوٹو سیشن کے دوران پاکستان ویمن کرکٹ ٹیم کی کھلاڑیوں نے اپنے مخصوص انداز میں حصہ لیا، جبکہ سری لنکا، متحدہ عرب امارات (UAE) اور تھائی لینڈ کی کرکٹرز نے فوٹو شوٹ کے دوران گانوں اور موسیقی کی دھنوں پر بہترین پرفارمنس سے سماں باندھ دیا۔

ایشین کرکٹ کونسل کے مطابق، ٹورنامنٹ کی باضابطہ ٹرافی کی رونمائی کی تقریب آج دبئی میں منعقد کی جا رہی ہے، جس میں تمام ٹیموں کی کپتان شرکت کریں گی۔

ایشیاء کپ کے سنسنی خیز مقابلوں کا باقاعدہ آغاز کل سے ہو رہا ہے جو 13 ستمبر تک جاری رہیں گے، جس کے دوران ایشیا کی بہترین خواتین کرکٹ ٹیمیں فتح کے حصول کے لیے میدان میں اتریں گی۔