ٹوائلٹ میں بیٹھی خاتون کی یادداشت کیسے ختم ہوگئی؛ وجہ جان کر حیران رہ جائیں گے

ایک غیر معمولی طبی واقعے نے ماہرینِ صحت کو حیران کر دیا ہے جہاں ایک خاتون کو قبض کے دوران زیادہ زور لگانے کے باعث اپنی زندگی کے گزشتہ 10 سالوں کی یادداشت سے عارضی طور پر ہاتھ دھونا پڑے۔ رپورٹس کے مطابق، خاتون گزشتہ دو ہفتوں سے قبض کا شکار تھیں اور بیت الخلا میں شدید دباؤ ڈالنے کے بعد اچانک ذہنی الجھن (Confusion) کا شکار ہو گئیں۔

اہلِ خانہ خاتون کو فوری طور پر اسپتال لے گئے جہاں ڈاکٹروں نے تشخیص کی کہ وہ Transient Global Amnesia نامی ایک نایاب حالت کا شکار ہوئی ہیں۔ اس کیفیت کے دوران خاتون تقریباً 8 گھنٹے تک اپنی حالیہ یادداشت سے محروم رہیں، تاہم خوش قسمتی سے وقت گزرنے کے ساتھ ان کی یادداشت بتدریج بحال ہو گئی اور کسی قسم کا مستقل دماغی نقصان سامنے نہیں آیا۔

طبی ماہرین کا کہنا ہے کہ بہت زیادہ جسمانی زور لگانے سے دماغ تک خون اور آکسیجن کی روانی وقتی طور پر متاثر ہو سکتی ہے، جو اس طرح کے اچانک مگر مختصر مدت کے یادداشت کے خاتمے کا سبب بن سکتی ہے۔ ڈاکٹروں نے مشورہ دیا ہے کہ اگرچہ یہ ایک عارضی عمل تھا، تاہم ایسی علامات ظاہر ہونے پر فوری طبی معائنہ ضروری ہے تاکہ کسی بڑے پیچیدہ مسئلے سے بچا جا سکے۔