وسیم اکرم اور شنیرا کا پالتو کتا لاپتہ

پاکستان کرکٹ ٹیم کے سابق کپتان اور مایہ ناز آل راؤنڈر وسیم اکرم اور ان کی اہلیہ شنیرا اکرم کا 5 ماہ کا پالتو کتا مبینہ طور پر کراچی کے علاقے ڈی ایچ اے (DHA) فیز 8 سے لاپتہ ہو گیا ہے۔ سوشل میڈیا پلیٹ فارم انسٹاگرام پر شیئر کی گئی اسٹوری کے مطابق ‘ڈیوک’ نامی یہ بلیک جرمن شیپرڈ (لانگ کوٹ) آخری بار ڈی ایچ اے فیز 8 میں دیکھا گیا تھا۔ وسیم اکرم اور ان کی اہلیہ نے کتے کی بازیابی یا اس سے متعلق درست اور قابلِ اعتماد اطلاع دینے والے شخص کے لیے 250,000 (ڈھائی لاکھ) روپے انعام کا بھی اعلان کیا ہے۔ انہوں نے مقامی رہائشیوں، سیکیورٹی گارڈز اور عام شہریوں سے اپیل کی ہے کہ وہ اپنے اردگرد کے پارکس، باغات، گلیوں اور چھتوں پر تلاش میں تعاون کریں۔