سابق کپتان وسیم اکرم کا لاپتا پالتو کتا مل گیا

پاکستان کرکٹ ٹیم کے سابق کپتان وسیم اکرم کا کراچی کے علاقے ڈی ایچ اے (DHA) فیز 8 سے لاپتہ ہونے والا پالتو کتا ‘ڈیوک’ (Duke) بالآخر مل گیا ہے۔ وسیم اکرم نے اپنے سیاہ رنگ کے کم عمر پالتو کتے کی تلاش کے لیے سوشل میڈیا کے ذریعے عوام سے مدد کی اپیل کی تھی اور اسے ڈھونڈ کر لانے والے کے لیے 2 لاکھ 50 ہزار روپے نقد انعام کا بھی اعلان کیا تھا۔ کتے کی بحفاظت واپسی کے بعد سوِنگ کے سلطان نے ایک ویڈیو پیغام کے ذریعے تمام مددگاروں اور پولیس افسران کا شکریہ ادا کیا۔ علاوہ ازیں، وسیم اکرم کی اہلیہ شنیرا اکرم نے بھی انسٹاگرام اسٹوریز کے ذریعے اپنے پالتو کتے کے واپس ملنے پر خوشی کا اظہار کرتے ہوئے اس کی تصاویر شیئر کی ہیں۔