وسیم اکرم نے بابراعظم کے کپتانی لینے کو غلط فیصلہ قرار دیدیا

پاکستان ٹیسٹ ٹیم کے سابق کپتان اور نامور فاسٹ باؤلر وسیم اکرم نے بابر اعظم کی جانب سے قومی ٹیسٹ ٹیم کی دوبارہ کپتانی قبول کرنے کے فیصلے کو شدید تنقید کا نشانہ بناتے ہوئے اسے ایک غلط قدم قرار دیا ہے۔ مانچسٹر میں وقار یونس کے ساتھ ایک چیریٹی فنڈ ریزنگ تقریب میں گفتگو کرتے ہوئے وسیم اکرم نے کہا کہ وہ کسی پر الزام نہیں لگانا چاہتے، لیکن ان کی ذاتی رائے میں بابر اعظم کو کپتانی کا عہدہ دوبارہ سنبھالنا ہی نہیں چاہیے تھا اور یہ سب بالکل غیر ضروری تھا۔

وسیم اکرم نے پریس کانفرنس کے واقعے کا حوالہ دیتے ہوئے کہا کہ تیسرے ٹیسٹ میں ٹاس کے موقع پر جب بابر اعظم سے 7 کھلاڑیوں اور کوچ کی تبدیلی سے متعلق سوال کیا گیا تو انہوں نے لاعلمی کا اظہار کیا۔ وسیم اکرم نے اس پر شدید برہمی ظاہر کرتے ہوئے کہا کہ اگر کپتان کو ٹیم کی تبدیلیوں کے بارے میں ہی علم نہیں تو پھر وہ میدان میں کیا کر رہے ہیں۔ انہوں نے مزید کہا کہ جب کپتان اپنے کھلاڑیوں کا دفاع نہیں کرتا تو کھلاڑی اپنی 100 فیصد صلاحیت کا مظاہرہ نہیں کر پاتے؛ دوسرے ٹیسٹ کے بعد کے حالات کے مدنظر بابر اعظم کو چاہیے تھا کہ وہ کپتانی سے دستبردار ہو کر صرف بطور کھلاڑی ٹیم میں شامل رہتے۔