شوہر کے چھوٹے سے تحفے نے بیوی کو کروڑ پتی بنا دیا

امریکی ریاست ورجینیا میں ایک خاتون نے شوہر کی جانب سے تحفے میں ملنے والے لاٹری ٹکٹ کے ذریعے 5 لاکھ 77 ہزار 777 ڈالر (پاکستانی روپے میں تقریباً 16 کروڑ روپے سے زائد) کا بمپر انعام جیت کر کروڑ پتی بننے کا اعزاز حاصل کر لیا ہے۔

بین الاقوامی رپورٹس کے مطابق ورجینیا کے علاقے بیڈفورڈ کاؤنٹی کے ایک رہائشی شخص نے لاٹری کے 2 ٹکٹ خرید کر اپنی اہلیہ کو تحفے میں دیے تھے۔ خاتون نے جب ان سکریکچ کارڈز کو کھرچ کر دیکھا تو ایک ٹکٹ پر لاٹری کا سب سے بڑا انعام نکل آیا، جس کی مالیت 16 کروڑ پاکستانی روپے سے زائد بنتی ہے۔

ورجینیا لاٹری حکام سے گفتگو کرتے ہوئے خوش قسمت خاتون نے بتایا کہ ان کے شوہر کا دیا گیا یہ سرپرائز گفٹ ان کے لیے بے پناہ خوش قسمتی لایا ہے۔ جب ان سے اتنی بڑی انعامی رقم کا استعمال کرنے سے متعلق پوچھا گیا تو انہوں نے بتایا کہ وہ اس رقم کا کچھ حصہ دنیا کی سیاحت اور سفر پر خرچ کرنے کا ارادہ رکھتی ہیں۔ تاہم، لاٹری انتظامیہ نے پالیسی کے تحت اس خوش قسمت جوڑے کے نام رازداری میں رکھے ہیں۔