بچے کے ساتھ کرکٹ کھیلتے کتے کی ویڈیو سوشل میڈیا پر وائرل

سوشل میڈیا کے مختلف پلیٹ فارمز پر ایک پالتو کتے کی چھوٹے بچے کے ساتھ کرکٹ کھیلنے کی انتہائی دلچسپ اور دلکش ویڈیو وائرل ہو گئی ہے، جسے صارفین کی جانب سے بے حد پسند کیا جا رہا ہے۔

عام طور پر پالتو کتے اپنے مالکان کے ساتھ مختلف کھیل کھیلنے اور وقت گزارنے کے شوقین ہوتے ہیں، لیکن اس وائرل ویڈیو میں ایک کتے کو بالکل ایک مستعد فیلڈر کی طرح بچے کے ساتھ کرکٹ کھیلتے دیکھ کر صارفین ششدر رہ گئے۔ ویڈیو میں واضح طور پر دیکھا جا سکتا ہے کہ کتا اپنے منہ میں گیند دبا کر لاتا ہے اور بچے کے سامنے رکھتا ہے، جیسے ہی بچہ بیٹ سے ہٹ لگاتا ہے، کتا فوراً گیند کی سمت دوڑ پڑتا ہے اور اسے اٹھا کر دوبارہ بالنگ یا تھرو کے لیے بچے کے پاس واپس لے آتا ہے۔

انٹرنیٹ پر اس تفریحی اور معصومانہ ویڈیو کو دیکھ کر صارفین جانب سے تعریفی تبصروں کا سلسلہ جاری ہے۔ کئی صارفین نے مزاحیہ انداز میں کہا کہ یہ کتا صرف بچے کا کھیل کا ساتھی ہی نہیں بلکہ ایک بہترین فیلڈر اور کوچ کی طرح اس کی تربیت بھی کر رہا ہے۔