حسینہ واجد کے خلاف انسانیت سوز جرائم کیس کا فیصلہ جمعرات کو سنایا جائے گا

سابق بنگلہ دیشی وزیراعظم حسینہ واجد کے خلاف انسانیت کے خلاف جرائم کے مقدمے کی سماعت مکمل ہوگئی ہے۔ بنگلہ دیش کی انٹرنیشنل کرائمز ٹریبونل جمعرات کو تاریخی فیصلہ سنائے گی۔

ذرائع کے مطابق مقدمے میں حسینہ واجد پر سنگین نوعیت کے الزامات عائد ہیں۔ اقوام متحدہ کی ایک رپورٹ کے مطابق گزشتہ سال 15 جولائی سے 5 اگست کے درمیان مبینہ طور پر ان کے حکم پر 1400 افراد کو قتل کیا گیا۔حکومت کے اہم عہدیداران پر جبری گمشدگیوں، ٹارچر سیلز چلانے اور مخالفین کے خلاف ریاستی طاقت کے ناجائز استعمال کے الزامات بھی لگائے گئے ہیں۔عدالتی کارروائی کے دوران پراسیکیوٹر نے حسینہ واجد کو انسانیت کے خلاف جرائم کی پاداش میں سزائے موت دینے کی سفارش کی ہے۔ٹر یبیونل کے فیصلے پر خطے اور عالمی سطح پر گہری نظر رکھی جارہی ہے، کیونکہ اسے بنگلہ دیش کی سیاسی تاریخ کا انتہائی حساس اور اہم مقدمہ قرار دیا جارہا ہے۔