سعودی امریکا جوہری معاہدے میں اسرائیل سے تعلقات کی شرط کی تردید

عرب نشریاتی ادارے ‘الشرق بلومبرگ’ کی رپورٹ کے مطابق سعودی عرب اور امریکہ کے درمیان طے پانے والے پرامن جوہری تعاون کے ‘123 معاہدے’ کا متن اسرائیل کے ساتھ تعلقات کی استواری سے مشروط نہیں ہے۔ یہ رپورٹ امریکی صدر ڈونلڈ ٹرمپ کے اس بیان کے بعد سامنے آئی ہے جس میں انہوں نے دعویٰ کیا تھا کہ ایٹمی معاہدے کی منظوری سعودی عرب کے ابراہم معاہدے کا حصہ بننے پر منحصر ہے۔ ذرائع کا کہنا ہے کہ ٹرمپ کا یہ اعلان سعودی عرب کے ساتھ پیشگی مشاورت کے بغیر کیا گیا تھا، جبکہ ریاض اب بھی اپنے اس اصولی موقف پر قائم ہے کہ اسرائیل کے ساتھ تعلقات صرف ایک خودمختار فلسطینی ریاست کے قیام کی صورت میں ہی ممکن ہو سکتے ہیں۔