جیفری ایپسٹین کے نام ٹرمپ کا فحش خط منظرعام پر لانیوالے صحافیوں کیلئے ایوارڈ کا اعلان

بدنام زمانہ امریکی ملزم جیفری ایپسٹین کی 50 ویں سالگرہ پر صدر ڈونلڈ ٹرمپ کی جانب سے لکھے گئے فحش خط کو منظرِ عام پر لانے والے صحافیوں کے لیے ایوارڈ کا اعلان کیا گیا ہے۔ غیر ملکی میڈیا کے مطابق اس ایوارڈ کا اعلان وائٹ ہاؤس کے رپورٹروں کے سالانہ ڈنر کے دوران کیا گیا، جس میں صدر ٹرمپ خود بھی موجود تھے۔ تقریب کے دوران صدر ٹرمپ کی جانب سے صحافیوں پر طنزیہ جملے بھی کسے گئے۔ واضح رہے کہ ڈونلڈ ٹرمپ کی جانب سے ایپسٹین کے نام لکھے گئے اس خط کے افشا ہونے کے بعد امریکی سیاسی اور صحافتی حلقوں میں شدید ہلچل مچ گئی تھی اور اسے سال کی بڑی تحقیقاتی خبروں میں شمار کیا گیا تھا۔