بنگلادیشی صدر محمد شہاب الدین اپنے عہدے سے مستعفی ہوگئے

بنگلادیش کے 76 سالہ صدر محمد شہاب الدین نے صحت کی سنگین خرابی کے باعث اپنے عہدے سے استعفیٰ دے دیا ہے۔ اپریل 2023 میں عہدہ سنبھالنے والے صدر شہاب الدین نے بتایا کہ حال ہی میں ان میں ‘آٹونومک نیوروپیتھی’ نامی بیماری کی تشخیص ہوئی ہے، جس کے باعث وہ اچانک ہوش کھو بیٹھتے ہیں اور اسی طبی وجہ سے وہ مزید فرائض انجام دینے سے قاصر ہیں۔ پریس سیکرٹری کے مطابق آئین کے تحت پارلیمان کے اسپیکر حفیظ الدین احمد عبوری صدر کی ذمہ داریاں سنبھالیں گے جبکہ اگلے 90 دنوں کے اندر نئے صدر کا انتخاب عمل میں لایا جائے گا۔ واضح رہے کہ سابق وزیراعظم شیخ حسینہ کے قریبی اتحادی سمجھے جانے والے شہاب الدین کا استعفیٰ ان افواہوں کے دوران سامنے آیا ہے جن میں دعویٰ کیا گیا تھا کہ انہوں نے علاج کے دوران بھارت میں مقیم شیخ حسینہ سے رابطہ کیا تھا، تاہم انہوں نے اس تاثر کو رد کرتے ہوئے استعفے کی وجہ صرف اپنی بیماری کو قرار دیا ہے