نیویارک کے میئر ظہران ممدانی بھی پاکستانی گلوکار شمعون اسماعیل کے مداح نکلے

نیویارک شہر کے میئر زہران ممدانی نے انکشاف کیا ہے کہ وہ گزشتہ کئی برسوں سے پاکستانی گلوکار اور ریپر شمعون اسماعیل کی موسیقی کے مداح ہیں اور ان کے گانے باقاعدگی سے سنتے آ رہے ہیں۔ امریکی جریدے ‘رولنگ اسٹون’ کو دیے گئے ایک انٹرویو میں جب ان سے ان کی موجودہ پلے لسٹ کے بارے میں پوچھا گیا تو انہوں نے بتایا کہ وہ یوگنڈا کے میوزک گروپ ‘ریڈیو اینڈ ویزل’ اور امریکی فنکارہ کیسی مسگریوز کے ساتھ ساتھ پاکستانی ریپر شمعون اسماعیل کو بھی کافی عرصے سے سن رہے ہیں۔ متنوع ثقافتی پس منظر رکھنے والے زہران ممدانی نے اس سے قبل بھارتی نژاد امریکی ریپر ہیمانشو سوری سے متاثر ہو کر سیاست میں آنے کا ذکر کیا تھا، جبکہ ان کی انتخابی کامیابی کے موقع پر ‘دھوم مچالے’ کا گانا بھی سوشل میڈیا پر خوب وائرل ہوا تھا، جو جنوبی ایشیائی موسیقی سے ان کے گہرے تعلق کی عکاسی کرتا ہے۔