18 ارب ڈالر کا تیل فروخت کر چکے، ایران کا دعویٰ

ایران کے وزیرِ تیل محسن پاک نژاد نے دعویٰ کیا ہے کہ امریکا کے ساتھ جنگ اور بعد میں ہونے والی جنگ بندی کے دوران ایران نے مجموعی طور پر 18 ارب ڈالر مالیت کا تیل اور گیس فروخت کیا ہے۔ ان کے مطابق 28 فروری سے شروع ہونے والی جنگ کے دوران 11.5 ارب ڈالر اور 7 اپریل سے 10 جولائی تک کی جنگ بندی کے عرصے میں مزید 6.5 ارب ڈالر کا خام تیل فروخت کیا گیا، جس سے ایران کے سالانہ بجٹ ہدف کا 60 فیصد ریونیو حاصل ہو چکا ہے۔ انہوں نے بتایا کہ اس دوران مجموعی طور پر 100 ملین بیرل خام تیل اور گیس کی برآمدات ممکن بنائی گئیں۔ تاہم، یہ پیشرفت ایرانی اسپیکر پارلیمنٹ محمد باقر قالیباف کے اس سابقہ بیان کے برعکس ہے جس میں انہوں نے امریکی محاصرے کے باعث تیل کی برآمدات مکمل بند ہونے کا خدشہ ظاہر کیا تھا۔