LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

لوک موسیقی، صوفیانہ کلام کے بے تاج بادشاہ استاد پٹھانے خان کو بچھڑے 26 برس بیت گئے

Web Desk

9 March 2026

پاکستان کے نامور لوک اور صوفی گلوکار استاد پٹھانے خان کی آج 26ویں برسی منائی جا رہی ہے۔ اپنی منفرد اور درد بھری آواز کے باعث انہیں لوک موسیقی اور صوفیانہ کلام کا بے تاج بادشاہ کہا جاتا ہے۔

1926ء میں کوٹ ادو کی بستی تمبو والی میں پیدا ہونے والے استاد پٹھانے خان کا اصل نام غلام محمد تھا۔ وہ بنیادی طور پر لوک گلوکار تھے اور نیم کلاسیکی انداز میں کافیاں، غزلیں اور لوک گیت گاتے تھے جو دنیا بھر میں مقبول ہوئے۔

استاد پٹھانے خان نے خواجہ غلام فرید، بابا بلھے شاہ اور مہر علی شاہ سمیت کئی صوفی شعرا کے عارفانہ کلام کو اپنی آواز دی۔ ان کی خدمات کے اعتراف میں حکومت پاکستان نے انہیں 1979ء میں صدارتی ایوارڈ سے نوازا، جبکہ انہیں مجموعی طور پر 79 مختلف اعزازات بھی ملے۔

سابق وزیر اعظم ذوالفقار علی بھٹو بھی ان کی دل میں اتر جانے والی آواز کے معترف تھے۔ ان کی آواز میں درد اور کشش ایسی تھی کہ عارفانہ کلام سنتے ہی سامعین پر رقت طاری ہو جاتی تھی۔ان کے مشہور کلام میں “میڈا عشق وی توں میڈا یار وی توں” اور “الف اللہ چنبے دی بوٹی” شامل ہیں، جنہوں نے انہیں عالمی شہرت دلائی۔

استاد پٹھانے خان 9 مارچ 2000ء کو انتقال کر گئے تھے اور انہیں کوٹ ادو میں سپرد خاک کیا گیا۔