امریکی سینیٹربرنی سینڈرز کی آرٹیفیشل انٹیلی جنس پر مستقل پابندی لگانے کی تجویز

امریکی سینیٹر برنی سینڈرز نے آرٹیفیشل انٹیلی جنس (AI) کی تیز رفتار اور بے قابو پیشرفت کو روکنے کے لیے امریکی سینیٹ میں ایک تاریخی بل پیش کر دیا ہے۔ اس بل میں بے لگام آرٹیفیشل انٹیلی جنس پر مستقل اور سخت پابندیاں عائد کرنے کی تجویز دی گئی ہے، جبکہ عالمی سطح پر ‘سپر انٹیلی جنس’ (Superintelligence) کی نمو اور تیاری کو روکنے کے لیے بین الاقوامی معاہدے قائم کرنے کی بھی سفارش کی گئی ہے۔ سینیٹر برنی سینڈرز نے بل کا دفاع کرتے ہوئے خبردار کیا کہ کنٹرول سے باہر ہونے والی مصنوعی ذہانت انسانوں کی بنیادی آزادی، روزگار اور قومی سلامتی کے لیے ایک وجودی خطرہ بن چکی ہے۔ اس موقع پر امریکی رکنِ کانگریس گریگ کاسار نے شدید تنقید کرتے ہوئے کہا کہ فی الوقت امریکہ میں آرٹیفیشل انٹیلی جنس کی ریگولیشن ایک عام فوڈ ٹرک کو ملنے والے لائسنس اور قوانین سے بھی کم درجے کی ہے