مومنہ اقبال کا ثاقب چدھڑ کے خلاف ہر فورم پر جانے کا اعلان

معروف اداکارہ مومنہ اقبال نے مسلم لیگ (ن) کے رکن پنجاب اسمبلی ثاقب چڈھر کے خلاف قانونی و عوامی جنگ جاری رکھنے کا عزم ظاہر کرتے ہوئے ہر فورم سے رجوع کرنے کا اعلان کیا ہے۔ عدالت کے باہر میڈیا سے گفتگو کرتے ہوئے انہوں نے الزام عائد کیا کہ این سی سی آئی اے (NCCIA) نے انہیں اعتماد میں لیے بغیر مبینہ ملی بھگت سے تفتیش تبدیل کی اور ملزم کو کلیئر کر دیا۔ مومنہ اقبال کا کہنا تھا کہ وہ پاکستان کی تمام خواتین کی نمائندگی کر رہی ہیں اور خاموش نہیں بیٹھیں گی، جبکہ جلد ہی وہ ملزم کے خلاف تمام ثبوت سوشل میڈیا پر بھی عمومی طور پر سامنے لائیں گی۔ انہوں نے یہ بھی انکشاف کیا کہ انہیں صلح کی پیشکشیں ہوئیں اور شادی شدہ ہونے کے باعث خاموش رہنے کا مشورہ دیا گیا، مگر انہوں نے صلح سے انکار کرتے ہوئے اپنے حقوق اور انصاف کے لیے آواز بلند کرنے کا فیصلہ کیا ہے۔