امریکی طیارہ بردار بحری جہاز یو ایس ایس ابراہم لنکن طویل تعیناتی کے بعد تھائی لینڈ پہنچ گیا

طویل ترین اور مسلسل جنگی تعیناتی کے بعد امریکی بحریہ کا ایٹمی صلاحیت کا حامل طیارہ بردار بحری جہاز یو ایس ایس ابراہم لنکن (USS Abraham Lincoln) تھائی لینڈ کی بندرگاہ پر پہنچ گیا ہے۔ تا ہم، سمندر میں مسلسل قیام کے باعث جہاز کے ظاہری حلیے اور زنگ آلود باڈی نے عالمی میڈیا کی توجہ اپنی جانب مبذول کر لی ہے۔ سی این این کی رپورٹ کے مطابق امریکی بحریہ نے تصدیق کی ہے کہ یہ جنگی جہاز نومبر سے مسلسل 286 دن سے سمندر میں حالتِ جنگ میں رہا اور اس دوران مشرقِ وسطیٰ میں ایران کے خلاف مختلف ملٹری اور بلاکیڈ (ناکہ بندی) کارروائیوں میں آپریشنل رہا۔