روس نے ایران سے ’دوری‘ اختیار کرنے کا امریکی مطالبہ مسترد کر دیا

روس نے ایران کے ساتھ تعلقات ختم کرنے اور اس سے دوری اختیار کرنے سے متعلق امریکی مطالبے کو باقاعدہ طور پر مسترد کر دیا ہے۔ برطانوی نشریاتی ادارے کی رپورٹ کے مطابق امریکی وزیرِ خزانہ سکاٹ بیسنٹ کی جانب سے دنیا بھر کے ممالک سے اپیل کی گئی تھی کہ وہ ایران پر عائد غیر معمولی پابندیوں کے پیشِ نظر تہران کی حمایت ختم کریں اور اس کی مدد سے باز رہیں۔ امریکی وزیرِ خزانہ کا موقف تھا کہ ایران کے خلاف جاری تنازع کو جلد ختم کرنے کا تیز ترین طریقہ یہی ہے کہ کوئی ملک ایرانی حکومت کا ساتھ نہ دے۔ تا ہم، روس اور چین سمیت متعدد ممالک نے واشنگٹن کے اس مطالبے پر سخت ردِعمل کا اظہار کیا ہے۔