امریکی طیارہ بردار بحری جہاز جیرالڈ ایس فورڈ 5 روزہ قیام کے بعد کروشیا سے روانہ

بحیرہ روم: امریکی بحریہ کا جدید ترین اور دیو ہیکل طیارہ بردار بحری جہاز جیرالڈ ایس فورڈ کروشیا سے روانہ ہو گیا ہے۔ امریکی بحریہ کے آفیشل بیان کے مطابق، جہاز اب مکمل طور پر آپریشنل ہے اور کسی بھی خطے میں “قومی مقاصد” کے حصول کے لیے تعینات ہونے کے لیے تیار ہے۔ 12 مارچ کو جہاز کے لانڈری سیکشن میں لگنے والی آگ کے باعث اسے عارضی طور پر کروشیا منتقل کیا گیا تھا، جہاں اس کی تکنیکی مرمت اور لاجسٹک سپلائی کا عمل مکمل کیا گیا۔

واضح رہے کہ جیرالڈ فورڈ نے حالیہ مہینوں میں ایران کے خلاف امریکہ اور اسرائیل کی مشترکہ فضائی کارروائیوں میں کلیدی کردار ادا کیا ہے۔ دفاعی ماہرین کا ماننا ہے کہ کروشیا سے روانگی کے بعد یہ جہاز دوبارہ مشرقِ وسطیٰ یا آبنائے ہرمز کے قریب تعینات کیا جا سکتا ہے، جہاں 40 ممالک کا اتحاد پہلے ہی ایرانی مداخلت کے خلاف سرگرم ہے۔ امریکی بحریہ نے سیکیورٹی وجوہات کی بنا پر اس کی اگلی لوکیشن ظاہر نہیں کی، تاہم یہ واضح کیا ہے کہ جہاز ہر قسم کی کارروائی کے لیے لیس ہے۔