20 برس سے ایک ہی نمبر استعمال کرنے والی خاتون بڑا انعام جیت گئی

امریکہ میں مسلسل 20 برسوں سے لاٹری کے لیے نمبروں کا ایک ہی سیٹ استعمال کرنے والی خاتون بالآخر خوش قسمت ثابت ہوئیں اور انہوں نے ایک ہی ڈرا میں بڑا انعام جیت لیا۔ ریاست میری لینڈ کے علاقے وائٹ پلینز (White Plains) کی رہائشی اس خاتون نے ایک ہی لاٹری ڈرا کے لیے اپنے پسندیدہ اور روایتی نمبروں پر مشتمل تین مختلف ٹکٹس خریدے۔

حیران کن طور پر خاتون کے منتخب کردہ تینوں ٹکٹس پر 50,50 ہزار ڈالر کا انعام نکلا، یوں انہوں نے مجموعی طور پر 1 لاکھ 50 ہزار ڈالر (ڈیڑھ لاکھ ڈالر) کی رقم حاصل کر لی۔ خاتون کا کہنا ہے کہ جب انہوں نے ٹکٹ پر ڈرا کے جیتنے والے نمبرز دیکھے تو انہیں اپنی آنکھوں پر یقین نہیں آیا، جس پر انہوں نے فوری طور پر اپنی بہن کو فون کر کے نمبرز پڑھنے کو کہا۔ بہن نے تصدیق کی کہ ان کے تینوں ٹکٹوں پر انعام نکل آیا ہے۔