امریکا: شوہر نے شادی کی سالگرہ پر بڑا انعام جیت لیا

امریکا کی ریاست جنوبی کیرولائنا میں ایک شخص کی شادی کی سالگرہ اُس وقت انتہائی یادگار بن گئی جب اُس کی قسمت کی دیوی مہربان ہوئی اور وہ 1 لاکھ ڈالر (تقریباً 2.7 کروڑ پاکستانی روپے) کی لاٹری جیت گیا۔گرینائٹ وِل (Graniteville) کے رہائشی اس شخص نے 7 جولائی کو اپنی شادی کی سالگرہ کے خاص موقع پر مقامی ‘پائلٹ ٹریول سینٹر’ سے لاٹری ٹکٹ خریدا۔قرعہ اندازی کے نتائج سامنے آنے پر جب اس نے اپنا ٹکٹ چیک کیا تو اسے اپنی اتنی بڑی جیت پر جلدی یقین نہ آیا اور وہ بار بار ٹکٹ کی تصدیق کرتا رہا۔تصدیق کے بعد اس نے اپنی اہلیہ کو اطلاع دیتے ہوئے کہا کہ اس کے پاس ان کی سالگرہ کا ایک بہترین اور نایاب تحفہ موجود ہے۔

میاں بیوی کے مطابق اس غیر متوقع انعام نے ان کی شادی کی سالگرہ کی خوشیوں کو دوبالا کر کے اس دن کو زندگی کا ناقابلِ فراموش لمحہ بنا دیا۔