برطانیہ: 116 سال بعد لائبریری کو کتابیں واپس لوٹا دی گئیں

برطانیہ میں ایک شہری نے 116 برس قبل اپنے دادا کی جانب سے لائبریری سے ایشو کروائی گئی دو نایاب کتابیں بالآخر واپس لوٹا دیں۔ کونوی لائبریریز کے مطابق مسٹر او سلیوان حال ہی میں لینروسٹ لائبریری آئے اور اپنے دادا والٹر گرفتھ اوون کے نام جاری کردہ وہ کتابیں واپس کیں جو انہوں نے 1910ء میں حاصل کی تھیں۔ دونوں عالمی جنگوں میں خدمات انجام دینے والے والٹر گرفتھ کے پوتے کا کہنا تھا کہ یہ ان کے خاندان کی ایک اہم یادگار تھی۔ لائبریری انتظامیہ نے اتنی دہائیوں بعد ان کتابوں کی بحفاظت واپسی کو تاریخی اور حیران کن لمحہ قرار دیتے ہوئے خوشی کا اظہار کیا، جبکہ سوشل میڈیا صارفین نے بھی پوتے کی ایمانداری اور پاسِ داری کو شدید سراہا ہے۔