بکریاں بھی ‘گرین بس’ کے مزے لینے لگیں، ویڈیو وائرل

امریکی ریاست اوریگون کے شہر پورٹ لینڈ میں ایک منفرد اور دلچسپ واقعہ پیش آیا جہاں دو آوارہ بکریاں بس سٹاپ پر کھڑی بس میں سوار ہو گئیں۔ سی سی ٹی وی فوٹیج اور سوشل میڈیا پر وائرل ہونے والی ویڈیو میں دیکھا جا سکتا ہے کہ بکریاں پہلے مسافروں کے ساتھ آرام سے بس میں داخل ہوئیں اور کچھ دیر گھومنے کے بعد نیچے اتر کر قریب واقع ایک شاپنگ سینٹر کی طرف نکل گئیں۔ مقامی ٹرانسپورٹ اتھارٹی کے مطابق 911 پر اطلاع ملنے کے بعد پولیس نے علاقے میں بکریوں کی تلاش شروع کی، تاہم ان کا کوئی سراغ نہ مل سکا۔ ٹرانسپورٹ حکام نے اس دلچسپ واقعے پر مزاحیہ تبصرہ کرتے ہوئے کہا کہ بکریاں کہاں سے آئی تھیں، کہاں جانا چاہتی تھیں اور کیا ان کے پاس سفر کے لیے درست ٹکٹ تھا، ان سوالوں کا جواب شاید کبھی معلوم نہ ہو سکے۔