ترکی بھی پاکستان اور سعودی عرب کے دفاعی اتحاد میں شمولیت کا خواہش مند ہے، بلومبرگ کا دعویٰ

ترکی سعودی عرب اور ایٹمی طاقت پاکستان کے درمیان قائم دفاعی اتحاد میں شامل ہونے کی کوشش کر رہا ہے، جس سے مشرقِ وسطیٰ اور اس سے آگے خطے میں طاقت کے توازن میں نمایاں تبدیلی آ سکتی ہے۔ یہ دفاعی معاہدہ، جس پر ابتدائی طور پر سعودی عرب اور پاکستان نے گزشتہ ستمبر میں دستخط کیے تھے، اس بات کی ضمانت دیتا ہے کہ کسی ایک رکن ملک کے خلاف کسی بھی قسم کی جارحیت کو تمام رکن ممالک کے خلاف حملہ تصور کیا جائے گا۔

ذرائع کے مطابق یہ شق نیٹو کے آرٹیکل فائیو سے مشابہ ہے، جبکہ ترکی خود نیٹو کا رکن ہے اور امریکہ کے بعد اتحاد کی سب سے بڑی فوجی قوت رکھتا ہے۔ باخبر ذرائع کا کہنا ہے کہ ترکی کی شمولیت سے متعلق بات چیت آخری مراحل میں داخل ہو چکی ہے اور معاہدہ طے پانے کا قوی امکان ہے۔ ذرائع نے حساس نوعیت کے باعث اپنی شناخت ظاہر نہ کرنے کی شرط پر معلومات فراہم کیں۔