امریکا کی غیر قانونی بحری ناکہ بندی مزید کشیدگی تصور ہوگی: ایرانی فوج

ایران کی مشترکہ فوجی کمان نے امریکا کو سخت خبردار کرتے ہوئے کہا ہے کہ اگر اس نے ایران کے خلاف کسی بھی قسم کی غیر قانونی بحری ناکہ بندی نافذ کرنے کی کوشش کی تو اسے خطے میں جاری جاری تنازع میں کشیدگی بڑھانے کا شدید اقدام تصور کیا جائے گا۔

ایرانی خبر رساں ادارے مہر نیوز کے مطابق، پاسدارانِ انقلاب کی القدس فورس ہیڈ کوارٹرز سے جاری کردہ بیان میں واضح کیا گیا ہے کہ امریکی فوج یا اس کے اتحادیوں کی جانب سے کسی بھی دھمکی یا جارحانہ کارروائی کو کسی صورت بغیر جواب کے نہیں چھوڑا جائے گا۔

بیان میں مزید کہا گیا ہے کہ ایران کی مسلح افواج کسی بھی قسم کی بحری ناکہ بندی، علاقائی مداخلت یا جارحیت کے خلاف مؤثر اور مناسب عسکری ردعمل دینے کا مکمل حق رکھتی ہیں اور ہر قسم کی دھمکی کا منہ توڑ جواب دیا جائے گا۔