پاکستان کی سعودیہ پر ڈرون حملوں کی مذمت، امن کیلئے سنگین خطرہ قرار دیدیا

پاکستان نے برادر ملک سعودی عرب پر ہونے والے حالیہ ڈرون حملوں کی شدید الفاظ میں مذمت کرتے ہوئے ان اشتعال انگیز اقدامات کو پورے خطے کے امن، سلامتی اور استحکام کے لیے ایک سنگین خطرہ قرار دیا ہے۔

دفتر خارجہ کی جانب سے جاری کردہ بیان کے مطابق، پاکستان نے اس مشکل وقت میں سعودی عرب کے ساتھ اپنی کامل یکجہتی کا اظہار کیا ہے۔ ترجمان نے سعودی عرب کی خودمختاری، علاقائی سالمیت، امن اور خوشحالی کے لیے پاکستان کی غیر متزلزل اور دائمی حمایت کا اعادہ کیا۔

ترجمان دفتر خارجہ نے مزید کہا کہ پاکستان خطے میں دیرپا امن، سلامتی اور پائیدار استحکام کے قیام کے لیے ہمیشہ متحرک رہا ہے اور تمام ممکنہ اقدامات اٹھاتا رہا ہے، اور وہ آئندہ بھی اس سلسلے میں اپنی تمام تر کاوشیں بلا تعطل جاری رکھے گا۔