خلیجی کوششوں کے باعث ٹرمپ نے ایران پر حملے کا فیصلہ آخری لمحے میں موخر کیا، برطانوی اخبار
Web Desk
15 January 2026
برطانوی اخبار دی ٹیلی گراف کے مطابق امریکی صدر ڈونلڈ ٹرمپ نے ایران پر فوجی حملے کا فیصلہ آخری لمحوں میں تبدیل کر دیا۔ یہ تبدیلی سعودی عرب، قطر اور عمان سمیت خلیجی ملکوں کی سفارتی کوششوں کے باعث عمل میں آئی، جنہوں نے واشنگٹن سے ہنگامی مذاکرات کے ذریعے حملے کو مؤخر کرنے کی سفارش کی۔
اخبار کے مطابق صدر ٹرمپ نے بدھ کی رات اپنے اعلان سے پیچھے ہٹتے ہوئے کہا کہ ایران میں ہلاکتیں رک گئی ہیں اور تہران کو اپنے ‘اچھے عمل’ کا مظاہرہ کرنے کا موقع دیا جانا چاہیے۔ خلیجی ممالک نے یہ بھی انتباہ کیا کہ حملے کے خطے میں نتائج بھیانک ہو سکتے ہیں۔
دی ٹیلی گراف کے مطابق ترکی اور مصر نے بھی امریکی صدر سے تحمل کا مظاہرہ کرنے کی اپیل کی، ساتھ ہی خبردار کیا کہ ایران پر حملہ پڑوسی ممالک اور عالمی تیل و گیس کی مارکیٹ پر منفی اثر ڈال سکتا ہے۔
امریکی میڈیا کے مطابق صدر ٹرمپ نے نیشنل سکیورٹی ٹیم کو ہدایت کی کہ ایران پر حملہ صرف اس صورت میں کیا جائے جب اس کے ایرانی رجیم پر فیصلہ کن اثرات مرتب ہوں۔ تاہم امریکی سینیٹر لنزے گراہم نے کہا ہے کہ ایران پر امریکی حملے کا خطرہ ابھی ختم نہیں ہوا۔
پینٹاگون نے مشرق وسطیٰ کے لیے کروز میزائلوں، لڑاکا طیاروں اور جنگی بحری جہازوں سے لیس بحری بیڑے روانہ کر دیے ہیں، جو ایک ہفتے کے اندر علاقے میں پہنچیں گے۔ امریکی حکام نے حملے کی حکمت عملی میں ایرانی پاسداران انقلاب، بسیج فورس اور پولیس کو نشانہ بنانے کا امکان ظاہر کیا ہے۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026