پاسداران انقلاب کے حق میں مظاہرہ کرنے والوں پر مشتبہ گاڑی چڑھ گئی، 4 افراد جاں بحق

ایران کے شہر مشہد کے علاقے اقبال لاہوری میں پاسدارانِ انقلاب اور بسیج فورس کے حامیوں کے ایک مظاہرے کے دوران مشتبہ گاڑی ہجوم پر چڑھنے سے 4 افراد جاں بحق اور متعدد زخمی ہو گئے ہیں۔ سوشل میڈیا پر وائرل ہونے والی ویڈیو میں دیکھا جا سکتا ہے کہ ایک تیز رفتار گاڑی اچانک مظاہرین کے ہجوم میں جا گھسی۔ واقعے کے فوری بعد زخمیوں کو علاج کے لیے منتقل کر دیا گیا ہے۔ تاہم، ابھی تک یہ واضح نہیں ہو سکا کہ گاڑی دانستہ طور پر ہجوم پر چڑھائی گئی یا یہ کوئی حادثہ تھا، اور نہ ہی ڈرائیور کی شناخت یا واقعہ کے پیچھے موجود وجوہات سے متعلق تفصیلات سامنے آئی ہیں