افغانستان، بنگلا دیش اور زمبابوے کے درمیان سہ ملکی سیریز آج سے شروع ہوگی

افغانستان، بنگلہ دیش اور زمبابوے کی قومی کرکٹ ٹیموں کے درمیان تین ملکی ون ڈے انٹرنیشنل (ODI) سیریز کا باقاعدہ آغاز آج سے متحدہ عرب امارات میں ہو رہا ہے۔

سیریز کے افتتاحی میچ میں بنگلہ دیش اور زمبابوے کی ٹیمیں آمنے سامنے ہوں گی، جبکہ افغانستان کی ٹیم ایونٹ میں اپنی مہم کا آغاز 19 اکتوبر کو زمبابوے کے خلاف میچ سے کرے گی۔ ایونٹ کے گروپ مرحلے کے اختتام پر پوائنٹس ٹیبل کی سرفہرست دو بہترین ٹیمیں 23 اکتوبر کو فائنل معرکے میں مدمقابل آئیں گی۔

تین ملکی سیریز میں افغانستان کی قیادت تجربہ کار بلے باز رحمت شاہ، بنگلہ دیش کی لٹن داس اور زمبابوے کی قیادت سٹار آل راؤنڈر سکندر رضا کر رہے ہیں۔ سیریز کے تمام ڈے نائٹ میچز ابوظبی کرکٹ سٹیڈیم میں کھیلے جائیں گے جو مقامی وقت کے مطابق شام ساڑھے 4 بجے شروع ہوں گے۔ تینوں ممالک کی کرکٹ ٹیمیں اس سیریز میں عمدہ کارکردگی کا مظاہرہ کرتے ہوئے ٹرافی اپنے نام کرنے کے لیے پرعزم ہیں۔