چور مالِ مسروقہ بیچنے گھر کے مالک کی ہی دکان پر پہنچ گیا

بھارت کی ریاست جھارکھنڈ کے شہر دھنباد میں ایک چور اس وقت دھر لیا گیا جب وہ چوری کیا گیا سامان بیچنے کے لیے اسی کے مالک کی دکان پر پہنچ گیا۔ تفصیلات کے مطابق تقریباً 1 ہفتہ قبل بالیاپور کے رہائشی سادھو پال کے گھر سے پنکھے اور پانی کی موٹر چوری ہوئی تھی۔ ملزم وجے پال جب وہی واٹر پمپ فروخت کرنے مارکیٹ پہنچا تو دکان پر موجود سادھو پال کے بھائی مدھاؤ پال نے موٹر کو فوری پہچان لیا اور پولیس کو اطلاع دے دی۔ پولیس نے ملزم کو گرفتار کر کے اس کی نشاندہی پر باقی مسروقہ سامان کی برآمدگی اور دیگر ساتھیوں کی گرفتاری کے لیے تفتیش شروع کر دی ہے۔