خاتون نے 20 ہزار فٹ بلندی سے کود کر نیا عالمی ریکارڈ قائم کر دیا

بیلاروس سے تعلق رکھنے والی اولگا نومووا نے 20 ہزار فٹ سے زائد بلندی سے ہیلی کاپٹر جمپ لگا کر گنیز ورلڈ ریکارڈ قائم کر لیا۔ انہوں نے نیپال کے علاقے سیانگ بوچے میں ہیلی کاپٹر سے اسکی سرفنگ جمپ کرتے ہوئے دنیا کا بلند ترین اسکی سرف جمپ انجام دیا۔

گنیز ورلڈ ریکارڈ کے مطابق اولگا نومووا نے 20 ہزار 945 فٹ کی بلندی سے چھلانگ لگائی، جو اب تک کی بلند ترین ریکارڈ شدہ اسکی سرف جمپ ہے۔ چھلانگ کے دوران انہوں نے 12 ہزار 356 فٹ تک اپنے اسکی بورڈ پر مکمل کنٹرول برقرار رکھا، جس کے بعد پیراشوٹ کھول کر بحفاظت زمین پر لینڈنگ کی۔

اولگا نومووا گزشتہ 15 برسوں سے اسکی سرفنگ سے وابستہ ہیں۔ گنیز ورلڈ ریکارڈ سے گفتگو کرتے ہوئے انہوں نے کہا کہ اسکی سرفنگ دریافت کرنے کے بعد سے ہی ان کا خواب تھا کہ وہ کوئی منفرد اور غیر معمولی اسکا ڈائیو انجام دیں، جو اب حقیقت بن چکا ہے۔