سانپ کے کاٹنے کے بعد متاثرہ شخص سانپ جیکٹ میں ڈال کر اسپتال لے آیا

بھارتی شہر متھرا میں ایک حیران کن واقعہ پیش آیا جہاں ایک رکشہ ڈرائیور کو سانپ نے کاٹ لیا، مگر وہ متاثرہ حالت میں اکیلا اسپتال نہیں آیا بلکہ سانپ کو بھی جیکٹ میں ڈال کر ساتھ لے آیا۔
سوشل میڈیا پر وائرل ہونے والی ویڈیو میں دیکھا جا سکتا ہے کہ متاثرہ شخص اپنے ہاتھ پر سانپ کے کاٹنے کا نشان دکھا رہا ہے اور طبی امداد میں تاخیر پر غصے کا اظہار کر رہا ہے۔
ویڈیو میں موجود سانپ کوئی عام سانپ نہیں بلکہ ناگ (کوبرا) ہے، جسے دنیا کے انتہائی زہریلے سانپوں میں شمار کیا جاتا ہے۔