تھائی لینڈ: پیشگوئی سچ ثابت کرنے کیلئے فون چرانے والا نجومی گرفتار

تھائی لینڈ میں نیو ایئر کے روز ایک لڑکی کو بُرے واقعے کی پیشگوئی کر کے اس کا موبائل فون چرانے والے نجومی کو گرفتار کر لیا گیا۔ غیر ملکی خبر رساں ادارے کے مطابق 38 سالہ اُڈومسیپ میونگکیو نے چوری کے الزام سے انکار کرتے ہوئے دعویٰ کیا کہ موبائل کا گم ہونا اس کی پیشگوئی کی سچائی کا ثبوت ہے۔

متاثرہ 19 سالہ پِم نے بتایا کہ اس نے گندے کپڑوں میں ملبوس شخص پر رحم کھاتے ہوئے نیو ایئر کے دن اس سے نجومی خدمات لینے کا فیصلہ کیا تھا، جس کے بعد اس کا موبائل غائب ہو گیا۔